خواطر بتاعتي مش بتاعة أحمد الشقيري

الموضوع ده مش للنشر ... يعني ماحدش يعمله شير

الأسم / أحمد 

العمر / 21 سنة و 3 أيام 

المؤهل الدراسي / ثانوية عامة على 3 سنوات

الكلية / بقالي 3 سنين في أولى مدني هندسة الأسكندرية 

الأهداف / لا يوجد 

الموهبة / لا يوجد 

الشخصية / مش عارف .. بس هيا أكيد مش قوية 

الثقة في النفس / منعدمة 

التوجه السياسي / الناس قالت عليا "شيوعي - إشتراكي ثوري - علماني - إخواني " بس مافيش حد قال عليا ليبرالي مش عارف ليه 

المهارات /

أنظمة تشغيل : Microsoft Windows , GNU/Linux "Ubuntu - Debian - Fedora - CentOS"

لغات برمجة :HTML , Python , basic , Fortran .

برامج : PhotoShop , Microsoft FrontPage , Microsoft Word , Microsoft Excel , Microsoft PowerPoint , AutoCAD .

عن نفسي :

أنا شخص بقالي 21 سنة عايش و لم أحقق أي شيء في حياتي ومش عندي أي هدف عشان أحققه 

يعني تقدر تقول عايش كدة وخلاص , عايش مستني الموت يجيلي

وصل بي التفكير إلى أسئلة من نوعية : "أنا عايش ليه ؟" , "ربنا خلقني ليه ؟" أسئلة قد تؤدي إلى الإلحاد عشان موضة اليومين دول. 

تقريبا مش بعمل حاجة صح في حياتي .. حتى الصلاة مش بصلي غير كل فين و فين 

عدد قليل من أصحابي شايفين أني حلو في مجال الـ "Tech" .. بس أنا في الحقيقة مش شايف حاجة 

عمري ما شيلت مسئولية ولا عايز أشيلها 

دئما أسأل نفسي : "يعني أنا لو خلصت كلية هعمل إيه بعد ما أخلص ؟ " و دائما لا أجد إجابة لهذا السؤال ولكني أرى نفسي في الزي العسكري في الصحراء .. مبروك دخلت الجيش و هتتفشخ بإذن الله 

فكرت أنضم للسلفيين زي أحمد سمير عبد العال  ,,  جايز تبقى دي الحاجة الوحيدة الصح اللي هعملها قبل ما أموت 

____________________________________

أسئلة و إجاباتها النموزجية بالـ "ز"

* طيب إيه مجال الشغل اللي أنت شايف نفسك فيه ؟
- ياااااااه هوا ده السؤال اللي مستنيه من زمان ..

                                                                بعد قليل من التفكير 

                                                                                                    الإجابة : مش عارف 

* طيب بتشرب سجاير أو حشيش أو أي حاجة تانية ؟
- ﻷ .. بشرب شاي أخضر بس .. و ساعات شاي أخضر بالنعناع 

* إيه الحاجة اللي ممكن نقول أنك بتعملها بإمتياز؟

- حاجات كتير أوي .. على سبيل المثال :

1- النوم 

2- القاعدة في البيت 

* من الأخر كدة هتحول من الكلية ولا ﻷ ؟

- بفكر .. و كل شيء جايز في الزمن ده .

* ليه مش شايف أنك تنفع تبقى مهندس مدني ؟

- بإختصار ﻷن المهندس المدني لازم يكون "حرك" [بكسر الراء تقريبا] عشان يعرف يتعامل مع العمال زي +Akram Elbsomy كدة 

* الناس شايفينك إزاي !؟

- 

+Akram Elbsomy : شايفني كئيب

+ahmed tantawy  : شايفني كئيب 

حسام حسن : شايفني : كئيب و بضين و عايش جوا زوبعة " وماحدش يسألني يعني إيه زوبعة "

محمد فريد : شايفني ضحكة :D "بيحب ضحكتي أوي مش عارف ليه "

أحمد سمير عبد العال : شايفني عايش في عالم إفتراضي 

أحمد الشناوي و أمير الزرقاء : شايفيني أخر الرجال المحترمين "بيقلولي كدة من 2 إعدادي لحد دلوقتي "

محمد البسومي : شايفني مصدر خصب لأسطوانات الويندوز 

خالي أشرف : مش شايفني أساسا 

دول الناس اللي عارف هما شايفيني إزي 

الظاهر أن في إجماع على أني كئيب :D 

____________________________________

و أنا بكتب الكلام ده شوفت حاجتين على تويتر حابب أشاركها معاكم 

1- 

أعتقد أني لم أتحرك من السلمة الأولى 

2-

بعد ما قريت التغريدة دي بقيت محتار بين السلحفاة و الكوالا 

____________________________________

نسيت أقول لكم أن عندي أخ أسمه +Adham Samir وظيفته الأساسية في الحياة أنه يفتن ﻷهلي على النتيجة بتاعتي 

غير أنه معقدني بدرجاته 

99.9 % ثانوية عامة 

إمتياز إعدادي هندسة بترول 

أيون أنا بحسده

____________________________________

الموضوع ده مش للنشر ... يعني ماحدش يعمله شير

مش عايز فضايح أرجوكم

و مش عايز ردود فلسفية 

ولو حد يعرف دكتور نفسي شاطر يكتبلي أسمه و عنوانه

أنا تايه يا جدعان

تدرج خطوات إنشاء مبنى بالصور جـ2

السلام عليكم ورحمة الله وبركاته،،

ومع الجزء الثانى من (تدرج خطوات إنشاء مبنى بالصور ) والذى كنت قد كتبت الجزء الأول منه يوم الأمس (من هنا)..

 وصلنا البارحة حتى عملية العزل للأساسات.. ونبدأ الآن فى العمل على أعمدة الدور الأرضى او البدروم حسب ما يكون فى المشروع الذى تعمل عليه..

يقوم النجار بتحطيط الأعمدة مرة اخرى ثم شد نجارة ثلاث جناب للأعمدة.. ويبدأ بعدها الحداد فى وضع الحديد وتربيط حديد الأعمدة بالكانات.. ويجب على المهندس ان يتأكد من عدد الكانات والمسافات بينها وايضا قوة ربطها.. ثم يقوم النجار بتقفيل الباب الأخير فى العمود ويقوم المهندس بإستلام رأسية العمود باستخدام ميزان الخيط من اتجاهين للعمود الواحد..

ثم يتم عملية صب الاعمدة.. ويجب على المهندس التأكد من الخلطة الخرسانية والتأكد من ان يتم هزها باستخدام الهزاز بالشكل السليم حتى لا يحدث تعشيش فى الاعمدة..

يتم فك الشدة للأعمدة ويتم معالجة عيوب الخرسانة بالاعمدة ان وجدت.. ورشها بالماء لضمان عدم حدوث شروخ ولاكمال عملية التفاعل الكيميائى التى تحدث للخرسانة لتحصل على اعلى اجهاد لها..

الخطوة التالية يقوم فيها النجار بشد السقف والكمرات

ويجب على المهندس ان يستلم السقف.. فيقوم بالتأكد من افقية السقف باستخدام ميزان القامة.. ويقوم بالتأكد من الداير الخاص بالسقف باستخدام الخيط والتأكد من استمرار الكمرات المستمرة بشكل سليم باستخدام الخيط أيضا.. وهذا كله قبل ان يصعد الحداد للعمل فوق السقف.. وتعديل اى ملاحيظ

ثم يبدأ الحداد فى عمله فوق السقف.. بعمل شبكة التسليح كما هو موضح فى اللوح الانشائية.. وبعد ذلك يقوم المهندس باستلام الحدادة ومراجعة اقطار الحديد والمسافات بينها وكذلك سمكها حتى لا يضطر لصب السقف بسمك اكبر من المطلوب بسبب اهمال الحداد فى ارتفاع الكراسى..

ثم تبدأ عملية الصب الخاصة بالسقف والتأكد من محتوياتها كما سبق فى كل اعمال الصب.. ولكن يجب على المهندس قبل الصب مراجعة الدواير الخاصة بالسقف والمناور لربما يكون حدث خطأ من الحداد اثناء عمله لضبطها..

وبعد الانتهاء من عملية الصب.. يتم فك السقف بعد المدة المحددة له (عادة 10 ايام).. ولكن يمكنك فك الداير الخاص بالسقف من اليوم التالى للصب ولكن لا تفك اى تقويات من اسفل حتى تتفادى حدوث هبوط.. ويجب ان ترش السقف بالماء حتى لا تحدث شروخ به..

بعد انقضاء المدة المحددة يتم فك تقويات السقف وتبدأ عملية الردم الخاصة باللبشة المسلحة.. وفى بعض الاحيان تسبق عملية الردم عملية شد السقف عندما يكون الارتفاع كبيرا.. وبعد الردم يتم صب طبقة من الخرسانة العادية فوقها والتى تسمى فى بعض الاحيان بطبقة البربقة.. ويكون سمكها 10 ~ 15سم

وبعد ذلك نقوم بعمل طبقة عازلة فوق طبقة الخرسانة العادية..

وبذلك نكون قد انتهينا من اعمال الانشاءات الخاصة بالدور الأرضى.. وسيظل الحال هكذا فى كل دور أعلى.. ونبدأ فى بند اعمال المبانى طبقا للوح المعمارية

وبهذا نكون انتهينا من المقالة .. واتمنى ان تكون قد نالت اعجابكم.. فى انتظار رأيكم 

المصدر 

تدرج خطوات إنشاء مبنى بالصور جـ1

بسم الله الرحمن الرحيم

السلام عليكم ورحمة الله وبركاته،،

اخباركم اصدقائى الاعزاء..

إليكم ملف مصور عن خطوات إنشاء مبنى بالترتيب.. ولكن اود ان اوضح ان هذه الصور ليست ملكاً لى ولكنى وجدتها ضمن ملفات اخرى اخذتها من صديق لى.. ولذا اتوجه بالشكر عن ظهر غيب لصاحب الصور الأصلى..

أول خطوة فى التنفيذ تكون اخذ الجسات لتربة الموقع واختبارها

بعد ذلك يتم ارسال النتائج للاستشارى الذى يقوم بتصميم المبنى إنشائيا ومعماريا.. ثم ارسال اللوحات الى مهندس الموقع..

يتم توضيح منسوب الحفر ونوع الاساسات المستخدمة من تقارير التربة.. واذا كانت تحتاج إلى تربة احلال ام لا.. وايضا اذا كانت تحتاج اى سواند لجانب الحفر ونوعها..

الخطوة التالية يقوم فيها مهندس الموقع بعملية الأد فى الموقع وهى تخطيط اللوحة على الطبيعة ليبدأ الحفار عمله.. ويراعى متابعة خطوات عمل الحفار بميزان القامة للتاكد من منسوب الحفر..

فى هذه الحالة ذكر فى تقرير التربة ان القاع يحتاج لتربة احلال.. وفى التقرير ستجد طبقات الاحلال المطلوبة ان كان رمل فقط او رمل وسن او سن فقط.. وايضا درجة السن المستخدمة فى الاحلال.. ويتم الاحلال لكل 25سم من الطبقة ثم الدك ثم 25سم اخرى ثم الدك واخذ الاختبارات فى كل مرحلة للتأكد من الاجهاد الذى ستتحمله التربة.. ويظل الحال هكذا حتى الانتهاء من الطبقة والتى عادة ما تكون 1م او 1.5م ..

ويرجى التأكد من نسب الخلط فى حالة ان طبقة الاحلال خليط من الرمل والسن.. لانه يحدد الاجهاد الناتج عنها ولابد ان يتطابق مع الاجهاد المنصوص عليه فى تقرير التربة.

بعد الانتهاء من عملية الاحلال والدك والاختبارات تبدأ عملية شد الخنزيرة.. وهى عملية يقوم بها النجار لرسم موضع الاساسات ليبدأ عمله فى تفصيلها.. احب دائما ان ادعو النجار باسم (ترزى المنشأ).. فشكل المنشأ يعتمد بشكل كلى على طريقته فى العمل..

ثم يتم عمل نجارة اللبشة العادية وتتم مراجعتها باستخدام الشريط او التيدوليت للتأكد من الابعاد والزوايا وايضا المناسيب..

يتم بعد ذلك صب اللبشة العادية بالسمك المطلوب فى لوح التصميم .. ويراعى تنظيم عملية الصب من الترتيب فى موقع الخلاطة واماكن التشوينات والاتفاق على توريد الكميات المطلوبة من التشوينات بشكل يغطى احتياج الصبة.. ومراقبة عملية الخلط والصب.. والتأكد من ان سطح اللبشة العادية مستوى ليحافظ على افقية الحديد ولا يسبب مشاكل فيما بعد فى الخرسانات المسلحة..

بعد الانتهاء من صب اللبشة العادية ننتقل لعملية توشيح اللبشة المسلحة.. وهى عملية رسم السملات الموجودة فى اللبشة المسلحة.. اما فى حالة انها قواعد مسلحة فهى لتحديد زوايا القواعد فتظهر بوضوح للنجار المسلح ويستطيع شدها بشكل سليم..

ثم يتم رص حديد الرقة الأولى فى اللبشة المسلحة.. ويراعى رفع الحديد فوق بسكوت لضمان تغطيته من اعلى ومن اسفل بالخرسانة المسلحةد

خطوة عمل السملات فوق الرقة الأولى او الرقة السفلية ..

يتم تحطيط اماكن الاعمدة ثم وضع اشاير الأعمدة.. ولكنهم هنا قاموا بوضع السيخ بطوله مرة واحدة.. وهو مقبول ان كان النجار يستطيع ان يتعامل معه بهذه الحالة بحيث لا يتحرك الحديد من مكانه..

اخيرا يقوم الحداد بعمل كراسى لتحميل الرقة الثانية من الحديد فوقها ورصها.. وبهذا نكون انتهينا من حدادة اللبشة المسلحة.. ويكون على المهندس التأكد من المسافات بين الاسياخ بعضها البعض ومدى ربطها بسلك الرباط، اى ان السيخ ممكن ان يتحرك تحت تأثير دفع الخرسانة المسلحة ام سيظل ثابت.. وطبعا من الضرورى ان يظل ثابت فى مكانه..

فى هذه الحالة سمك السملات أكبر من سمك اللبشة المسلحة.. لذا سنقوم اولا بصب اللبشة المسلحة .. ويتم مراجعة كل ما تحتاجه الصبة كما فعلنا سابقة فى اللبشة العادية..

ولا تنسى استخدام الهزاز باستمرار اثناء عملية الصب للتأكد من امتلاء كل الفراغات ..

والتسوية النهائية لسطح الخرسانة المسلحة مطلوب ايضا ..

بعدما قمنا بعملية الصب والتسوية للبشة المسلحة.. ننتقل لشد نجارة السملات.. (فى حدود خبرتى البسيطة لم تقابلنى سملات بهذا الشكل.. دائما ما تكون بنفس سمك اللبشة المسلحة.. ولكن اللى يعيش ياما يشوف وادينا بنتعلم )

بعد الانتهاء من شد نجارة السملات والتأكد منها ومراجعتها.. يتم صبها .. وعند الفك يصبح الشكل النهائى كما هو موضح هنا

ثم نقوم بعملية العزل باستخدام العزل الموضح فى اشتراطات العملية والتى ينص عليها الاستشارى المسئول عن التصميم..

حسنا اشعر انى قد اطلت عليكم جدا لذا يكفى هذا القدر الآن ..

فى انتظار رأيكم فى المقالة حتى اكمل لكم الجزء الثانى والذى سيكون الاخير ايضا بإذن الله تعالى.. انوى ان اقوم برفعه اليوم مساءا 

فتابعونى.. وفى انتظار آرائكم ..

المصدر